عاجل: جماهير القصيم تعلن التحدي (صور)

بسم الله الرحمن الرحيم


السلام عليكم .. ليست نهاية العالم ان الهلال يخسر
وش فيكم قايمين على النادي فوق تحت


اهم شي نستفيد من الاخطاء ,,


ياجماعه الفريق ما اجتمع كامل اللاعبين فيه الا ببدايه الدوري
والشباب اجانبه كاملين مع الدولييين ولعبوا بالدوره الوديه كاملين


عكس الهلال ايمانا متى جاء والعربي بالمنتخب المباراه الاولى ..!


والاهم اللاعبين الدوليين كل شوي المنتخب ساحبهم .. << ليس عذر للخساره


لنكن صريحين الهلال يحتاج الا محور.. اصابه هرماش كانت لنا بالضربه الموجعه
وخيانه عزيز بالقصمه بالظهر ..
والغنام من اصابه لاصابه


رغم هذا شبابنا ما قصروا ولكن يصعب ان يقارنون بهرماش وعزيز والغنام



حبايبي جمهور الرقم الصعب .. كل شوي اقرأ رد واحد يقول الحمد لله اني ماحضرت المباراه وهو من سكان الرياض


اللي هالنوع لا يتكلم عن الهلال ابدا ويسمح لي جالس بالبيت والملعب قريب واذا خلصت المباراه جاء يتفلسف هنا


المباراه الجايه مع فريق التعاون وفـ القصيم
واحمد ربي انها بالقصيم لان لو بالرياض والله ما يحضر الا اللي يحبون الزعيم بجد


وتذكروا كلامي هذا


المباراه يوم جمعه + آخر مباراه خساره للهلال = جمهور عظيم راح يحضر ان شاء الله


تدرون ليه لانه جمهور يعشق الزعيم ,, ولانه يتمنى ان يتواجد الزعيم في دياره دائما
واراهن على جماهير القصيم وانا واحد منهم وافتخر بعشق الزعيم ,,






بعكس من يسكن بجانب الزعيم وليس الكل ما يحضر الا آسيويه ولا نهائيه


مالك فخر تحضرآسيويه لان الكل يجي لهاا مو بس انت يا ساكن الرياض
والنهائيه مافيها كلام اكيد ان الكل بيحضر ,, بس لما تكون مباراه مهمه ونقاط وبوسط اسبوع مافيه الا انت يا صاحب الرياض وحتى وهي يوم خميس ماحضرت


بالنهايه : اشكر جميع اعضاء الالتراس وماقصرتوا وعساكم على القوه